ÞÓR BREIÐFJÖRÐ
Þór Breiðfjörð er íslenskur söngvari, leikari og lagahöfundur með fjölbreyttan feril á sviði tónlistar, leikhúss og talsetningar.
Hann á að baki farsælan feril í söngleikjum hér heima og erlendis og hefur meðal annars farið með hlutverk Jean Valjean í Vesalingunum. Þór hefur hlotið tilnefningar til Grímunnar og vann Grímuverðlaunin árið 2012 fyrir túlkun sína á Jean Valjean.
Þór samdi tónlist, söngtexta og handrit söngleiksins HARK og fór jafnframt með aðalhlutverkið. Sem talsetjari hefur hann ljáð mörgum þekktum persónum rödd sína. Meðal stærri hlutverka hans eru Ernesto de la Cruz í Coco, Félix í Encanto, Hector P. Valenti í Kalla káta krókódíl, Arthur Slugworth í Wonka og Obasi, faðir Taka sem síðar verður Scar, í Mufasa: The Lion King.
Þór lauk nýlega MA-prófi í menningarstjórnun og skrifaði meistararitgerð um stöðu og þróun söngleikjalistarinnar á Íslandi. Hann hefur jafnframt starfað sem söngkennari, deildarstjóri söngleikjadeildar og aðstoðarskólastjóri.
Um þessar mundir vinnur Þór að eigin tónlist og tónleikaverkefninu Sögur hjartans, þar sem söngur, sagnalist og áralöng sviðsreynsla mætast.
Tónlist
Íslensk verkefni og tónleikar birtast undir nafninu Þór Breiðfjörð.
Alþjóðlegu Spotify-síðuna finnurðu HÉR
Íslensku Spotify-síðuna finnurðu HÉR
Ensku alþjóðasíðuna finnurðu HÉR